Okutta omukuumi e Bukasa, Poliisi efunye akatambi ng’abatemu batuuka, erangiridde ekiddako

Kyaddaki Poliisi efunye akatambi, akalaga abatemu abatta omukuumi eyali asindikiddwa  okukuuma ku kibiina ky’ obwannakyewa ekirwanirira eddembe ly’abaana ekya Good Neighbours e Bukasa-Muyenga mu disitulikiti ya Kampala.

Omukuumi Rodgers Nasasira yattibwa sabiti ewedde ku Lwokusatu nga 4, March, 2020 era ababbi baatwala ebintu eby’enjawulo omuli Laptop 4 ssaako n’ebintu ebirala.

Nasasira yali mukuumi mu kitongole ekya Security 2000 era yazuulibwa ng’attiddwa, bakozi banne ku ssaawa 1 ey’okumakya, abaali bakedde okumukyusa okuteekawo omukuumi omulala.

Okusinzira ku mwogezi wa Poliisi mu Kampala n’emirirwano, Patrick Onyango, Poliisi yafunye akatambi akalaga abatemu nga batuuka era Poliisi yaabwe enoonyereza etandiise okwekebejja akatambi, okuzuula abatemu.

The post Okutta omukuumi e Bukasa, Poliisi efunye akatambi ng’abatemu batuuka, erangiridde ekiddako appeared first on Galaxy FM 100.2.