Wuuno mbega Kenzo gwe yasindika ku kivvulu kya Rema okuketta ebigenda mu maaso, abawagizi bamutabukidde lwa nnaku 5

Abawagizi b’omuyimbi Rema Namakula batabukidde omuyimbi Christopher Evans amanyikiddwa nga Chris Evans ku by’okuwa Rema nsalesale wa nnaku 5 nga yetoonze.

Kinnajjukirwa nti, sabiti ewedde ku Lwokutaano mu konsati ya Rema ku ‘Hotel Africana’ mu Kampala, Rema yali agezaako okugoba Evans ku siteegi bwe baali bayimba oluyimba ‘Linda’.

Mu luyimba, Rema agamba nti “Ekitugatta gwe mukwano guno

Toguzanyisa gukwate mpola oh

Tokuyita kuyomba nawe olaba

Bbanga liweze nga nkulinze honey totuuka

Bw’olwayo munnage

Oba ng’agamba

Nti nfe naye nga nkukozeeki?

N’essimu otuga ntuge

Ne ntaawa ne nkaaba

Kyokka otuuse ate era ogenda oh

Nawe linda

Linda bambi darling (uh uh)

Togenda (eeh)

Nze love ennuma (I got to go)

Buli kiseera

Mba nkulinze

Oba busy

Kyokka otuuse

Ate era ogenda (oh) x2“.

Mu kivvulu, Evans bwe yatandika okuyimba ekitundu kye, yategeeza nti Kenzo yaddamu nti, “Nkwagala ennyo ekyo nawe okimanyi

Naluli nakuwa olugoye

Ne lwotondabye ekiro yeggwe gwendoota

Ne lwesizze ntuma omubaka

Sister wange akukuume

Ekiro oleme okutya mu nju

Kuba ekizibu

Nina okufuba

Noonye ensimbi

Twezimbe

Eno embeera

Ndabe nga ekyukako

Kale tonyiiga

Tokaaba“, wabula bwe yali akyayimba, Rema yamukwata ku mukono okumuggya ku siteegi kuba yali anyiize nnyo Evans okuleeta ebintu bya Kenzo ku kivvulu kye ate mu maaso ga bba Dr. Hamzah Ssebunya.

Ku nsonga eyo, Evans yawadde Rema ennaku 5 zokka okwetonda kuba okumuggya ku siteegi ng’ali mu kuyimba, kyamunyizizza nnyo kuba yatyobodde ekitiibwa kye.

Wabula abamu ku bawagizi ba Rema batabukidde Evans okusaba omuntu wabwe nti alina okwetonda.

Abawagizi okuli Stella, Shamim ne Joan mu Kampala bagambye nti, “Wabula Evans alina empisa embi, okimanyi nti yali asse ekivvulu kya munne, ku lunnaku olwo, yali Valentayine, Rema ng’ali ne bba Hamzah kyokka Evans olw’okuba alina akayimba ne Rema, ofunye omukisa okulinya ku siteegi ate wesiriwaza. Tosobola kutwala buugi mu bbaala, kwogera ku Kenzo ku kivvulu kya munne era kirabika Evans mbega wa Kenzo eyali asindikiddwa okuketta ebigenda mu maaso ku kivvulu naye aswadde kuba tekimuyamba era Rema tasobola kwetonda“.

Abawagizi ba Kenzo era basabye Kenzo okwesonyiwa Rema wadde yamuzaalamu omwana kuba alina okukiriza nti omukyala yageenda nga tekikola makulu kumwogerako buli lunnaku kuba ne Rema yamwesonyiwa.

The post Wuuno mbega Kenzo gwe yasindika ku kivvulu kya Rema okuketta ebigenda mu maaso, abawagizi bamutabukidde lwa nnaku 5 appeared first on Galaxy FM 100.2.