KIWEDDE! Omusango gw’okutta Mozey Radio, omuzimu gufunye ku ssanyu, omulamuzi akatyemudde, Troy awungidde mu kkooti

Omulamuzi wa kkooti enkulu etuula e Entebbe Jane Francis Abodo alangiridde nga 28, October, 2019 okuwa ensala ye ku by’omusango gw’obutemu ogwaggulwa ku Godfrey Wamala amanyikiddwa nga Troy eyavaako akabasa omuyimbi Moses Ssekibogo eyayitibwanga Mowzey Radio okufa.

Kinajjukirwa nti Mozey Radio yafa nga 1 mu Febwali wa 2018 oluvanyuma, lw’olutalo olwali mu bbala ya Debar Entebbe nga 22 mu Janwali wa 2018.

Mu kkooti, abantu ab’enjawulo bawadde obujjulizi omuli Pamela Musiimire, Ebangiti David Otim amanyikiddwa nga Polodyusa Washington, Hassan Muwonge ne Nsimire Justine.

Abalala mwe muli George Egesa omutuuze w’e Kawuku nga yenanyini bbaala eya Debar ewagambibwa okuba nga omugenzi gyeyasanga abamukuba nga 22, January 22nd 2018.

Troy mu kwewozaako, yegaana eby’okutta Radio kwekusaba kkooti okumugyako omusango.

Olunnaku olw’eggulo, omulamuzi Abodo yalangiridde nga 28, October, 2019 okuwa ensala ye ku musango ogwo.