OMG! Poliisi ekutte omukozi w’awaka ku by’okutta omwana myezi 6, maama awunze

Poliisi ekutte omukozi  w’awaka ku by’okufa kw’omwana ku ssomero lya Asuret Primary School mu disitulikiti y’e Soroti olunnaku olw’eggulo ku Lwokusatu.

Omukozi akwattiddwa ali mu myaka 15 nga yakoma mu kibiina kyakutaano (P5) era abadde yaleeteddwa okuyambako omusomesa Suzan Amulen, okumukuumira omwana ow’obuwala myezi mukaaga (6) n’okukola ku mirimu gy’awaka.

Maama Amulen agamba nti yavudde awaka ng’omwana ali mu mbeera nungi nnyo kyokka yagenze okuddayo ku ssaawa 4 ez’okumakya okumuyonsa, amaaso gaatukidde ku mulambo gw’omwana we wakati mu ddiiro.

Omukulu w’essomero Grace Akoropot agamba nti omukozi agaanye okubaako kyanyega ku by’omwana okufa, ekitabudde abatuuze nga baagala okumugajambula.

Amangu ddala Poliisi yayitiddwa, era omukozi akwattiddwa ku misango gy’okuviirako omwana okufa nga Poliisi bwenoonyereza.

The post OMG! Poliisi ekutte omukozi w’awaka ku by’okutta omwana myezi 6, maama awunze appeared first on Galaxy FM 100.2.