GWANGA MUJJE! Jose Chameleone alangiridde olunnaku lwa Konsati ku Cricket Oval, asuubiza okulaga Bebe Cool kye bayita okuyimba

Omuyimbi Dr. Jose Chameleone alangiridde olunnaku lwa Konsati okukyamula abawagizi be n’okulaga nti agwanidde okudda mu bigere bya Ssalongo Erias Lukwago.

Chameleone alangiridde nga 29, May, 2020 e Lugogo Cricket Oval era ku mukutu ogwa Instagram agambye nti, “#TheChameleoneIKnow2020 | 29TH May | Lugogo Cricket Oval #GwangaMujje“.

Kimanyiddwa nti Chameleone yalangirira dda okuvuganya ku bwa Loodi Meeya bw’ekibuga Kampala mu 2021 okudda mu bigere bya Lukwago era kigambibwa agenda kweyambisa konsati ye, okulaga abawagizi be nti agwanidde okulondebwa ku bwa Loodi Meeya.

Mu Uganda, Chameleone y’omu ku bayimbi abakwatiridde ekisaawe ky’okuyimba era abebuzibwako era kigambibwa agenda kweyambisa konsati ye, okulaga abayimbi ab’enjawulo omuli ne Bebe Cool kye bayita okuyimba.

The post GWANGA MUJJE! Jose Chameleone alangiridde olunnaku lwa Konsati ku Cricket Oval, asuubiza okulaga Bebe Cool kye bayita okuyimba appeared first on Galaxy FM 100.2.