BAMBI! Douglas Lwanga abikudde ekyama, ayogedde obukwakulizo bwa MC Kats okudda ku ‘Show’ ya NBS After 5

Munnamawulire Douglas Lwanga alaze lwaki mukwano gwe Edwin Katamba amanyikiddwa nga MC Kats ayinza okulwawo okudda ku ‘Show’ ya NBS After 5 eweerezebwa okuva ku mmande okutuuka ku lw’okutaano.

Oluvanyuma lwa MC Kats okulangirira nti alina akawuka akaleeta siriimu, tabadde mu mbeera nungi era wabaddewo ebigambo ebyogerwa nti ayinza okuba yaggwa addalu.
MC Kats mu kiseera kino ali ku ddagala kyokka agamba nti singa alwawo okumira obulungi eddagala, akosebwa mu ngeri ez’enjawulo.

Sabiti ewedde, MC Kats yaddukidde ewa pasita Wilson Bugembe okumusabirako era yagambye nti awangadde n’obuladde emyaka egisukka mu 13.
olunnaku olw’eggulo ku Mmande, Douglas bwe yabadde ku ‘show’ yagambye nti, “MC Kats tali mu mbeera nungi kyokka singa awona, bamulindiridde okubegattako ku ‘show’ okuwereza eggwanga“.

Ebigambo bya Douglas biraga nti MC Kats ayinza obutadda ku Show’ ya NBS After 5 kuba obulwadde bwa siriimu tebulinga musujja nti buwona wabula okuweweera munda.

The post BAMBI! Douglas Lwanga abikudde ekyama, ayogedde obukwakulizo bwa MC Kats okudda ku ‘Show’ ya NBS After 5 appeared first on Galaxy FM 100.2.